Երկարություն՝ 100-115 սմ
Քաշ՝ 4,5-7,1 կգ
Թևերի երկարություն՝ 250-285 սմ
Գառնանգղը յուրահատուկ թռչուն է: Մորուքը սև է, աչքերի շուրջը՝ կարմիր: Գառնանգղների դեմքի վրա կան սև գծեր, թևերն ամբողջությամբ սև են, իսկ մարմնի մնացած հատվածները՝ ժանգագույն: Սա արդյունքն է այն բանի, որ վայրի թռչունները շփվում են անձրևից հետո գոյացած ջրափոսերի մեջ եղած Երկաթի օքսիդի հետ: Վայրի բնությունից դուրս ծնված թռչունները ժանգագույն չեն, այլ սպիտակ: Երիտասարդ Գառնանգղները ամբողջությամբ մուգ են և շատ անգամներ փետրափոխվում են:
Այս թռչունները, առանց թևերը թափահարելու, երկար ժամանակ սահում են լեռնային տարածքներով: Կարողանում են սահել նույնիսկ ուժեղ քամու ժամանակ՝ թևերի և պոչի ճշգրիտ շարժումենրի շնորհիվ: Աչքերը դառնում են վառը կարմիր, երբ ինչ-որ բան շարժում է նրանց հետաքրքրությունը:
Այս անգղները լուռ են, բայց թռիչքի ցուցադրման ժամանակ նրանք բարձր ձայն են արձակում:
Հաղորդակցվելու համար թեթև արձակում է «փի՜» ձայնը:
Գառնանգղը կերակրվում է խոշոր ոսկորներով (ոչխարների, այծերի և վայրի սմբակավորների)՝ սնվելով ինչպես ոսկրածուծով, այնպես էլ ոսկորներով:
Նրանք իրականում կենդանի որս չեն անում և նույնիսկ խուսափում են մսից:
Այս թռչունները երբեմն հանդիպում են փոքր կաթնասունների դիակների մոտ, և սնվում են տարբեր թռչուններով և սողուններով: Նրանք կարողանում են կուլ տալ հսկա ոսկորներ (20-25 սմ երկարությամբ):
Բայց ամեանմեծ և ամենաերկար ոսկորները ոտքերի միջոցով 20-80 մետր վեր են բարձրացնում և գցում են ցած՝ ժայռերի վրա:
Երբ ոսկորն ընկնում է, թռչունը պարուրաձև պտտվում է, որպեսզի վեցնի կոտրված ոսկորը: Թռչունն այս գործողությունը հնարավոր է կրկնի մի քանի անգամ՝ իր ուզած չափը ստանալու համար:
Նրանք սնունդը պահում են բներում կամ քարանձավներում:
Գառնանգղը սկսում է օդային ցուցադրությունը ձմռան կեսերին: Երկու զուգընկերն էլ մեկը մյուսից բարձր են թռչում: Ներքևում գտնվող թռչունը շրջվում է մեջքի վրա և բռնում է մյուսին և միասին ընկնում են համարյա գետնին:
Այս ժամանակահատվածում նրանք նաև ընտրում են բնի վայրը՝ ժայռերի վրա, քարանձավներում կամ լեռնաշղթաներում:
Զույգը չի հանդուրժում ուրիշ չափահաս թռչունների առկայությունն իր տարածքում: Իրենց տարածքը կազմում է շուրջ 200-400 քառ. կմ, այդ իսկ պատճառով տեսակների բաշխվածությունը այդ տարածքում սակավաթիվ է::
Ձմռանը շատ կենդանիների ողջ չմնալու պատճառով, դիակների պաշարը ամենաշատն է լինում: Այս ժամանակահատվածում Գառնանգղները ձվադրում են, իսկ ձագերը ձվից դուրս են գալիս փետրվարին:
Ինկուբացիան տևում է 53-60 օր, որին մասնակցում է թե՛ արուն, թե՛ էգը (հիմնականում էգն է նստում):
Նրանք սովորաբար երկու ձու են դնում, բայց երկրորդ ձուն, որն ավելի փոքր է, տեսակի շարունակականության ապահովման նպատակով է և սովորաբար սպանվում է ավագ եղբոր կամ քրոջ կողմից՝ ձվից դուրս գալու առաջին շաբաթը:
Երկու մեծահասակներն էլ կերակրում են ձագին: Թռչնի ձևավորվումը տևում է մոտ 110-ից 130 օր: Ձագը ծնողներից կախվածության մեջ է գտնվում 7 ամսից մինչև մեկ տարի տևողությամբ:
Գառնանգղը հասունանում է 5-7 տարեկանում: Զույգավորում տեղի է ունենքւմ 8-9 տարեկանում և այն հաճախ տեղի է ուենեում միայն ամեն երկրորդ կամ երրորդ տարին: Զույգը զույգավորման շրջանում կարող է միայն մեկ ձագ ունենալ: Գառնանգղները շատ դանդաղ են բազմանում, ուստի իրենց տեսակի պահպանության համար պետք է ապրեն երկար և շատ հաճած ձվադրեն:
Այս թռչունները կենդանաբանական այգիներում հիմնականում ապրում են 40-ից մինչև 50 տարեկան, իսկ վայրի միջավայրում մինչև 30 տարեկան:
Մարդկանց պատճառած տարատեսակ վտանգները կարող են արագորեն մեծացնել մահացությունը, հետևաբար, կարող են ունենալ լուրջ հետևանքներ Գառնանգղի տեսակի պահպանության համար: Նրանք կարող են երկար գոյատևել միայն այն տեղերում, որտեղ նրանք լավ պաշտպանված են:
Երկու հարյուր տարի առաջ այս թռչունները հայտնաբերվել են Հարավային Եվրոպայի լեռնային տարածքներում՝ Արևմտյան Իսպանյաից մինչև Բալկաններ: Սննդամթերքի պակասը, անասնապահության փոփոխությունը և վատ անունը պատճար դարձավ տեսակի նվազեցմանը: Մարդիկ մտածում էին, որ այս թռչունները սպանում են գառների և նույնիսկ փոքր երեխաների, ուստի սկսեցին մեծ թվով որսա կատարել, նույնիսկ պարգևատրում էին Ալպիան շրջաններում սպանած յուրաքանչյուր կենդանու համար:
Ներկայումս Գառնանգղները հազվադեպ հանդիպող տեսակներ են Եվրոպայում: Հանդիպում են միայն Պիրենեյան թերակղզում, Կորսիկայում, Կրետեյում և Ալպերում:
Bearded Vulture
https://wwf.panda.org/discover/our_focus/wildlife_practice/profiles/birds/bearded_vulture/